Балкан

Брод со 300 бегалци од Сирија во опасност да потоне

Брод со 300 бегалци од Сирија во опасност да потоне

Кипарските власти реагираа по добиениот сигнал дека брод со 300 бегалци од Сирија е во опасност од потонување на отворено море на 50 морски милји од пристанишниот град Пафос, објави весникот „Филелефтерос“.

За укажување помош кон местото на инцидентот веднаш тргнал брод-крузер, а паралелно со тоа се дадени упатства за упатување и на уште два брода и два хеликоптера.

Според првичните информации, меѓу 300-те сириски бегалци има многу жени и деца.

Во близина на бродот во опасност се наоѓа и танкер, што плови под знамето на Малта, како и еден товарен брод.