Бројот на загинати во авионската несреќа на авион на тајванската компанија „ТрансАзија ерлајнс“ достигна 31 лице, соопштија тајванските власти.
Вкупниот број на жртви во вчерашната несреќа може да се зголеми, бидејќи 12 лица се уште се исчезнати.
Вчера патнички авион АТР 72-600 на компанијата „ТрансАзија Ерлајнс“ брзо по полетувањето во Тајпеј изгубил рамнотежа и удрил со крилото во ограда на мост и потоа паднал во реката Килунг во Тајпеј со 58 патници и членови на екипаж.
Управата за цивилна авијација на Тајван објави дека во инцидентот преживеале 15 лица.