среда, 4 јануари 2017  |  Вести денес: 48

Бројот на жртви во земјотресот во Италија се искачи на 37

„Состојбата е драматична, има многу мртви“, изјави градоначалникот на Аматриче, Серџо Пироци. „Половина село е исчезнато“.

италија

Поврзани вести

Земјотрес со сила од 6,2 степени според Рихтеровата скала утрово го погоди планинскиот дел на централна Италија, во кој загинаа најмалку 37 лица, додека 150 се водат како исчезнати.
Земјотресот предизвика голема штета, но најверојатно не погоди густо населена област. Најпогодени се местата Акумоли, Аматриче, Поста и Арквата дел Тронто.
Епицентарот на земјотресот е на околу 170 километри од Рим.
„Состојбата е драматична, има многу мртви“, изјави градоначалникот на Аматриче, Серџо Пироци. „Половина село е исчезнато“.
5italija-zemjotres
Голем број домови се целосно уништени во областите каде што беше епицентарот на земјотресот, во регионите Марке, Умбрија и Лацио. Локалните жители и спасувачките служби се борат да ги спасат оние кои останаа затрупани под урнатините.
Италијанскиот институт за земјотрес регистрираше 60 последователни потреси во текот на четири часа по првиот удар, при што најсилниот беше 5,5 степени.

Најчитани вести