Во рамките на кампањата „Будни со книга 24 часа“ на Булеварот на Книгите ќе има промоција на светски и домашни автори, големи попусти, бројни подароци и дружење со книгата
„Будни со книга“ е одлична можност за сите вљубеници во книгата, прилика која не се пропушта, манифестација на која книгите од различни жанрови може да се купат по исклучително популарни цени. Годинава, покрај Лагуна Клубот, се приклучија и светските издавачки гиганти Pan Macmillan, Harper Collins, Penguin, Orion, Random, Transworld…
Воедно, со оваа манифестација Клубот Матица ќе ја најави и својата традиционална летна книжевна кампања „со книга на плажа“, манифестација која годинава го прославува својот 15-ти роденден.
