Будуќност се избори за „мајсторка“ со Црвена звезда

На средбата број два меѓу овие два тима, одиграна синоќа во Подгорица, екипата на Будиќност го совлада актуелниот АБА шампион Црвена звезда со 63:57 со што црногорскиот првак се избори за мајсторка која ќе решава кој тим ќе игра во финалето.

Борис Савовиќ со дабл-дабл ефект од 15 поени и 11 скока, заедно со Немања Гордиќ кој придодаде 12 поени, беа најзаслужните за победата на Будуќност.

Во гостинскиот состав, а воедно и на натпреварот најефикасен беше Марко Гудуриќ со 17 постигнати поени.

Според календарот решавачкиот меч меѓу овие два тима треба да се игра на 4 април во Белград, додека два дена порано (2 април) во Загреб, својата „мајсторка“ ќе ја одиграат Цедевита и Партизан по што ќе биде познат и првиот финалист во АБА лигата.

Доколку преземете содржина од оваа страница, во целост сте се согласиле со нејзините Услови за користење.