Buzz shop на своите потрошувачи повторно им донесе новитети од глобалното опкружување преку селектирани колекции патики презентирани на посебен начин. Мисијата на овој lifestyle концепт е да промовира нова култура на casual и спортска гардероба преку модерна, поинаква и оригинална презентација.
Оваа мисија од скоро е збогатена со mix tape-от на Гоце САФ, кој е еден од главните виновници за промоцијата и издигнувањето на македонската урбана култура на повисоко ниво. Музика ја одбра специјално за Buzz shop, инспириран од потрошувачите кои редовно ги следат светските трендови а и самите се трендсетери, определени за спортска елеганција која го отсликува нивниот начин на живот – опуштен и “cool”.
Специјално за Buzz mix tape-от, Гоце вклопи ексклузивни ремикси од “The Way It is” од Big Shug кој е дел од Gang Starr Foundation, колектив на хип-хоп артисти од источниот брег на САД; ремикс од “Wake Up“ на Conquering Lion необјавен досега; уште една необјавена трака “Shock Rap“ од STR 2; и интрото на mix tape-от од легендата Jeru The Damaja.
Buzz засекогаш е синоним за добар шопинг, добра забава и поволни цени. Овој настан беше еден од “must” настаните на урбаното живеење во главниот град.