Цановски се повлекува од лидерската позиција на ПЕИ и од политиката

Лидерот на ПЕИ, Фијат Цаноски во писмено соопштение ја информираше јавноста дека се повлекува од политиката.

 „Јас , Фијат Цаноски сакам да ја информирам домашната и севкупната јавност дека се повлекувам од функцијата претседател на Партијата за Европска Иднина  а воедно и од политичката сцена во Република Македонија.
 Одлуката ја носам како  морален  чин  а е израз на лошите изборни резултати што Партијата за Европска Иднина ги постигна на последните парламентарни избори. Сакам да им се заблагодарам на сите досегашни подржувачи на политиките кои како лидер на Партијата за Европска Иднина ги имам водено во изминатиот период  и да им посакам многу успех во нивниот  приватен и деловен живот“, стои во соопштението.
 До свикување на наредниот конгрес , со партијата  ќе раководат партиските тела и органи согласно статутот на партијата.

Доколку преземете содржина од оваа страница, во целост сте се согласиле со нејзините Услови за користење.