Чешките пожарникари ќе испратат електрични генератори и пумпи за чистење тиња по поплавите, кои пред неколку дена ја зафатија Македонија.
Хуманитарниот конвој ќе тргне денеска, информираше портпаролката на Генералниот директорат на Противпожарната бригада на Чешка Никол Заоралова, јави дописникот на МИА од Прага.
Според Заоралова, Македонија побарала химанитарна помош со посредство на Европскиот систем за комуникација при кризни ситуации.
– Чешка, која има богато искуство при решавање на поплавени подрачја, на Македонија и понуди осум генератори и 47 пумпи за чистење на тиња и земјата ја прифати понудата, рече Заоралова.
Помошта, која ќе биде испратена со камион со приколка и едно командно возило, се очекува во Македонија да пристигне во сабота и ќе биде преземена од локалните власти во Скопје во присуство на чешкиот амбасадор.
