четврток, 27 јули 2017  |  Вести денес: 53

Честитка од претседателот Иванов по повод празникот Ханука

ivanov

Поврзани вести

Претседателот на Република Македонија, Ѓорге Иванов, по повод еврејски празник Ханука, упати честитка до Берта Романо Николиќ, Претседател на Еврејската заедница на Република Македонија, како и до сите припадници на Eврејската заедница во Република Македонија.

Интегрален текст од честитката на Иванов:

Почитувана г-ѓо Романо Николиќ,

Ми претставува особена чест и големо задоволство, Вам и на припадниците на Еврејската заедница во Република Македонија, да Ви го честитам претстојниот празник Ханука.

На овој голем еврејски празник ви посакувам светлината на Ханука, која ја симболизира слободата и посветеноста кон верата, да ви донесе мир и благосостојба и да биде поттик за натамошен напредок и разбирање.

Во деновите на празникот на светлината, одбележувајќи го триумфот над насилството и поробувањето, се присетуваме на важноста на Еврејската заедница во земјава, која е длабоко вкоренета во македонската историја, традиција и култура. Евреите се неразделив дел од македонскиот модел за соживот делејќи ја судбината на македонскиот народ, придонесувајќи кон севкупниот живот во Македонија.

Честитајќи го празникот Ханука ви посакувам радост во вашите домови и пријатни празнични денови.

„Хаг Ханука Самеах”.

Најчитани вести