Македонија

Честитка од Вељаноски по повод еврејскиот празник Пасха

Честитка од Вељаноски по повод еврејскиот празник Пасха

Претседателот на македонското Собрание Трајко Вељаноски, по повод големиот еврејски празник Пaсха, упати честитка до Берта Романо – Николиќ, претседател на Еврејската заедница во Република Македонија, како и до сите припадници на оваа зедница.

– Од мое лично име и од името на пратениците воСобранието на Република Македонија, Вам лично и на припадниците на Еврејската заедница во Република Македонија, да Ви упатам срдечни честитки по повод еврејскиот празникот Пасха.

Слободата е главната цел кон која се стремел секој поробен народ низ историјата. Во таа борба се дадени безброј жртви, но идеалот секогаш бил да се биде слободен и потоа слободниот народ сам да ја создава својата иднина. Македонскиот, како и еврејскиот народ ја имаат доживеано судбината да бидат поробени, и затоа имаат важни датуми во својата историја кои ги слават како паметници за таа борба. Затоа е потребно, да се потсетиме и да ја прославиме таа борба преку големиот празник Пасха кој е симболот на ослободувањето на Евреите и претставува ново раѓање за еден подобар свет во кој мирот и  напредокот ќе бидат вистинските вредности.

Во оваа прилика сакам да истакнам дека вредностите кои ги негува еврејската заедница се значајни и за нашите заеднички заложби за негување на меѓучовечките односи, толеранција и соживот помеѓу сите граѓани во Република Македонија, како и почитување на религиските и културните посебности, се наведува во честитката на претседателот на Собранието Трајко Вељаноски по повод еврејскиот празник Пасха