– Со завршувањето на Рамазанските пости во најсветиот месец за Вас, верниците се насочени кон создавање на добри дела и верба дека тоа е вистинскиот пат на пријателство, единство и хармонија. Празникот Рамазан Бајрам нека ви даде поттик во овие моменти да го зацврстнете семејството и да ги продолжите верувањата и културата на идните генерации, се вели во честитката.
Овие празнични моменти, се наведува во честитката, се добра можност за изразување на заемна почит и пријателство меѓу луѓето од различна вероисповест, како и да ја пробудиме хуманоста и солидарноста која е наша вековната традиција.
– Убеден сум дека и понатаму ќе продолжиме успешно да ги унапредуваме меѓусебните односи, да ја почитуваме верската различност и да ја негуваме толеранцијата во Република Македонија. Тие ни се водилка кон просперитет, сигурна иднина и благосостојба на сите граѓани на нашата држава. Уште еднаш, Ви го честитам големиот празник и Ви посакувам добро празнично расположение, стои во честитката од Вељаноски.