Македонија

Честитка од Заев по повод почетокот на Рамазанските пости

Честитка од Заев по повод почетокот на Рамазанските пости

По повод почетокот на Рамазанските пости претседателот на СДСМ, Зоран Заев, во свое лично име и во името на Социјалдемократскиот сојуз на Македонија, упати честитка до поглаварот на Исламската верска заедница во Македонија, Реис Ул Улема Хаџи Сулејман Ефенди Реџепи, како и до сите верници од ислимска вероисповед.

Интегрален текст од честитката:

На сите верници од исламска вероисповед, и Вам лично, Ви го честитам започнувањето на овогодинешните Рамазански пости.

Светиот месец Рамазан нека донесе семеен мир, хармонија и радост за дочекување на големиот празник Рамазан Бајрам.

Славејќи го духовното и телесно прочистување, преку својата вера и посветеност, допринесувате за негување и поттикнување на вистинските човекови вредности, хуманст  и меѓусебно почитување.

Овој свет месец Рамазан не’ потсетува на тие вредности, темелно важни за нашето општество.

Простувањето, солидарноста, толеранцијата, несебичноста, дарежливоста и меѓусебното почитување се вредности за коишто сите треба да се залагаме и да ги негуваме. Само на тој начин, сите заедно, можеме да ја градиме иднината на Република Македонија.