Македонија

Честитка за Божик од Македонското друштво „Илинден“ од Тирана

Честитка за Божик од Македонското друштво „Илинден“ од Тирана

Mакедонското друштво „Илинден“ од Тирана  упати честитка до поглаварот на Македонската православна црква-Охридска архиепископија г.г. Стефан и до сите православни верници по повод празникот Божик.

– Божик е празник кој секој христијанин го дочекува во кругот на семејството радувајќи се и славејќи го животот. И оваа година Божик нека биде инспирација сплотени со отворени срца и чиста мисла да помислиме на сите оние на кои им е потребна материјална и духовна поткрепа и  безрезервно да им ја понудиме нашата помош и поддршка. Дозволете уште еднаш да посакам во срцата на сите верници да се всели мирот и спокојството, радоста и разбирањето и да продолжиме да даруваме безусловна љубов и почит кон ближните. Нека е честит празникот и за многу години. Христос се роди, стои во честитката на „Илинден“.