ТОП,Македонија

Четири дена не работи радар во контролата на летање, надлежните не преземаат ништо!

Четири дена не работи  радар во контролата на летање, надлежните не преземаат ништо!

Еден од трите радари кои мора да функционираат постојано и од кои зависи контролата на небото над Македонија веќе четврти ден е надвор од функција, објавува порталот Денешен, повикувајќи се на свои извори.

Порталот пишува дека радарот престанал да функционира и наместо по протокол веднаш да се изврши инспекција, новиот директор кој е таму веќе некое време ги забранил инспекциите.

-Со тоа директорот постапил надвор од сите правила, демонстрирајќи негрижа, импровизации и неспособност на новото раководство наМНАВ, кои според досега виденото доаѓаат како задолжителен багаж на секој нов кадар поставен од СДСМ.  Прашање е кој ќе ја сноси одговорноста доколку македонската контрола на летање поради работа без еден клучен радар кој никој не го поправа, направи грешка во своето работење, пишува Денешен.

И најмал превид или грешка во работата на контролорите значи трагедија со катастрофални последици за која е прашање кој ќе ја земе одговорноста – само МНАВ и новиот директор кој не презема итни чекори за санирање на проблемите, или и сите оние кои ги поставиле нив на раководни позиции.

Во историјата на Македонија се случиле неколку несреќи на воздухопловни објекти на нејзина територија, како несреќите на авионите на Палер Македонија и Авиоимпекс во кои животот го загубија 200 лица. Македонија се сеќава и на трагедијата на хеликоптерот на АРМ во која животот го загубија 11 војници, а во авионска несреќа кај Мостар згасна животот и на претседателот Борис Трајковски.