недела, 28 мај 2017  |  Вести денес: 2

Четири гранкови синдикати исклучени од ССМ

ssm

Последни вести

Четири гранкови синдикати од Сојузот на синдикати на Македонија се исклучени од членство на вчерашната седница на Советот на ССМ.

За четирите синдикати, одлуката е нестатутарна бидејќи на седницата присуствувале 21 советник, а за неа гласале 15 од вкупно 52, а за претседателот на ССМ Живко Митревски, се е согласно Статутот и одлуката е донесена со мнозинство гласови.

В.д. претседателот на ССМ, Дарко Димовски од Синдикатот на СУТКОЗ денеска изјави дека седницата е нестатутарна бидејќи од 52 члена на седницата требало да присуствуваат 26 члена.

– На седницата се појавиле 21 член од кој за наше отповикување гласале 15 члена, 6 биле воздржани и еден против, изјави Димовски.

четири синдикати

Од овие четири синдикати посочуваат дека им е забранет влез во зградата на ССМ иако ги имаат подмирено сите обврски кон Синдикатот. Велат дека редовно ја плаќаат и чланарината во ССМ.

Тие ги повикаа претседателите на 13-те гранкови синдикати, за кои Митревски тврди дека има поддршка, јавно да кажат зошто го поддржуваат.

–  Ако некој од тие синдикати го поддржуваат, бараме јавно да излезе и да каже зошто го поддржува Живко Митревски. Ова е борба за опстанок на синдикатот, рече Пецо Грујовски, претседател на Синдикатот на УПОЗ.

Од друга страна денеска на прес-конференција претседателот на ССМ Митревски рече дека одлуката за исклучување на овие четири синдикати е донесена согласно Статутот и со мнозинство гласови.

Четирите синдикати, како што посочи Митревски, се исклучени од ССМ поради, како што рече, фалсификување документи, злоупотреба на службена должност, кршење на Статутот и неисплаќање на членарината кон ССМ.

живко митревски

– Со ваквите дејствија оваа група не само што предизвикала оштетувања во финансиското работење на ССМ, туку истовремено не ги информирале ниту своето членство зошто таа членарина не ја пратиле и за кави цели ја трошеле, рече Митревски.

Тој додаде дека со одлуката за исклучување не им престанува обврската на четирите синдикати да ги подмират обврските кон ССМ и оти не може да ги користат досегашните простории на ССМ.

Превирањата во ССМ траат веќе извесен период. Едните тврдат дека Митревски е разрешен и оти на негово место е именуван Дарко Димовски, додека Митревски ваквиот обид го оквалификува како насилен обид да се изврши смена на раководството на ССМ.

Најчитани вести