Четири македонски државјанки повредени во сообраќајка кај Ќафасан

Четири македонски државјанки се полесно повредени во сообраќајна несреќа што доцна попладнево се случила во близина на преминот „Ќафасан“, на албанско-македонската граница. Во несреќата учествувале три возила.

Според „Шекули“, во несреќата полесно се повредени македонските државјанки Валерија К. (25), Орхидеа В. (38), А.В.(17) и Андреа К.,кои биле згрижени во болницата во Либражд.

Од првичните информации се дознава дека втомобилот во кој биле Македонките од се уште непознати причини преминал на спротивната страна на коловозот и удрил во албански автомобил, а потоа во нив удрило и друго возило.

Најверојатно причина за несреќата е влажниот коловоз и неприлагодената брзина на движење кон условите на патот.

Доколку преземете содржина од оваа страница, во целост сте се согласиле со нејзините Услови за користење.