Не можам да се изначудам како една држава со една сериозна власт, една сериозна локална власт со сите институции, со сите ресурси што ги поседува да не може да изгаси оган на една депонија кој што гори цела недела или 10 дена, изјави доктор Андон Чибишев на денешната Панел дискусија за животната средина организирана од ВМРО-ДПМНЕ.
„Со горењето на ѓубрето на таа депонија последиците се многу сериозни. Значи при горењето на тие отпадни материи се ослободуваат различни хемиски супстанци, во облик на пареа или ситни честички и тука преовладува ослободувањето на јагленомоноксид , јаглероден диоксид, диоксини и пареи од тешки метали, најмногу од олово, жива и арсен. Овие субстанци го зафаќаат местото на кислородот во тој процес на дистрибуција и транспорт на гасови во организмот и која сѐ штета може да ја направи на одредени органи и органски системи“, рече Чибишев.
