Чиле е првиот финалист на Копа Америка

Репрезентацијата на Чиле е првиот финалист на Копа Америка откако во полуфиналната пресметка домаќинот беше подобар од Перу победувајќи со 2:1, на мечот кој го одбележа Едуард Варгас со два ефектни погодоци.

Се чини еден од клучните моменти на дуелот беше во 20-та минута кога фудбалерот на Перу, Замбрано, поради остар старт, доби директен црвен картон што значително им ја олесна задачата на фудбалерите на Чиле.

Првиот гол Варгас го постигна во 42-та минута од средбата, Перу израмни во 60-та минута со автоголот на Медел, но нивната радост не траеше долго со оглед на тоа што Варгас со вистински еврогол од 25 метри донесе триумф за пласман во финалето.

Доколку преземете содржина од оваа страница, во целост сте се согласиле со нејзините Услови за користење.