Македонија

Членови на СОНК побараа итен прекин на штрајкот

Членови на СОНК побараа итен прекин на штрајкот

Членови на СОНК кои не ја поддржуваат одлуката за штрајк од лидерот Јаким Неделков побараа итно прекинување на штрајкот, а правата и состојбите во образованието да се унапредат преку социјален дијалог.

Зоран Ристевски, член на СОНК, изјави дека единствен постигнат ефект од штрајкот се поделби меѓу наставниците и непотребни конфликти и нарушување на добрите односи меѓу наставниците и родителите и претворање на учениците во заложници на  лични цели и амбиции на група луѓе.

– Штрајкот на раководството на СОНК е неуспешен затоа што е јалов обид за лична промоција која нема поддршка од мнозинството членови на синдикалната организација. Се надеваме дека разумот ќе преовлада, страстите ќе се смират и со ладна глава нашето раководство ќе размисли и ќе одлучи да го послуша најголемиот дел од членството, рече  Ристевски.

Тој е загрижен зашто пропуштената настава веројатно ќе треба да се  надомести за време на викенди или во летниот распуст, а нивните колеги кои се во штрајк  ќе имаат помала плата за јануари.

– Тоа треба да им го надомести синдикатот, но досега не добивме јасен одговор од раководството, додаде Ристевски.

Според него, над 85 проценти од училиштата работат и повеќе од 90 отсто од наставниците се на своите работни места.

фото: МИА