среда, 24 мај 2017  |  Вести денес: 58

Чоколадна палачинка торта со малини

torta_palacinki2

Последни вести

Палачинките можеме да ги комбинираме со сè што ќе посакаме, па дури и да ги претвориме во превкусна торта. За овој рецепт ќе ви бидат потребни:

За палачинките:

  • 6 јајца
  • 450 мл млеко
  • 120 мл вода
  • 75 грама стопен путер
  • 150 грама брашно
  • 40 грама какао
  • 40 грама шеќер
  • Екстракт од ванила

За филот:

  • 130 грама смрзнати или свежи малини
  • 50 грама шеќер
  • 230 мл хопла
  • 60 грама шеќер во прав
  • 115 грама маскарпоне

Начин на подготовка:

Сите состојки од кои што ќе ги приготвувате палачинките треба да бидат на собна температура за да се избегне создавање на грутчиња. Најпрвин со маталка убаво измешајте ги јајцата, млекото и водата. Потоа додадете ги путерот, ванилата и шеќерот. Откако сте го направиле тоа може да преминете кон додавање на мали количини од брашното и какаото. Кога добро ќе ја изматите смесата оставете ја да отстои 10-тина минути.

Испржете ги палачинките на стандарден начин и почекајте да се изладат.

Филот подгответе го така што прво убаво ќе ги изматите малините со шеќерот. На страна во сад ставате ја хоплата и изматете ја со шеќерот во прав додека не добиете цврст крем. Додадете го маскарпонето, а потоа и филот од малини.

Редете палачинка, па врз неа фил. Кога ќе ја наредите тортата од палачинки украсете по желба.

Најчитани вести