Времето за подготовка е 40 минути, а од една доза излегуваат 72 чоколадни коцки.
Состојки:
250 грама шеќер
18 лажички вода
210 грама маргарин
150 грама мелени ореви
100 грама крупно сецкани ореви
250 грама мелен кекс
100 грама чоколадо
Шеќерот и водата ставете ги да провријат. Отстранете ги од огнот и додајте го маргаринот за убаво да се стопи. Истурете ги мелените ореви, па кексот и на крајот сецканите ореви и стопеното чоколадо. Сето тоа добро измешајте го додека не се соедини во глатка маса.
Ставете ја смесата во калап и со вилушка прошарајте по површината. Оставете ги во фрижидерот да се стегнат, па потоа сечете на коцки.
По желба наместо ореви можете да ставите бадеми, лешници или кршен кекс.