Босна и Херцеговина се наоѓа на четврто место во светот по бројот на членови на екстремистичката организација Исламска држава (ИД) во однос на вкупниот број жители во земјата, покажуваат алармантните податоци од најновиот извештај на американската Централна разузнавачка агенција (ЦИА).
Во документот е нагласено дека во овој момент на страната на ИД се борат 350 босански државјани, кои заминале во џихад, односно 92 на милион жители.
На прво место на листата се наоѓа Јордан (315 борци на милион жители), потоа Тунис со 280 и Саудиска Арабија со 107 борци на милион жители.
