Долго очекуваниот филм „Педесет нијанси сива“ конечно пристигна на филмските платна. Премиерата на филмот во Лондон привлече голем број славни имиња, а главната ѕвезда на филмот Дакота Џонсон едноставно блескаше. Белиот заводлив фустан со длабоко деколте дизајниран од Сен Лорен ги плени погледите.
За оние што не знаат, целата приказна во филмот се врти околу убавиот, шармантен, богат и необичен Кристијан Греј (Џејми Дорнан).
Кристијан Греј е совршен маж според мерилата на секоја жена па така и за младата Анастасија Стил (Дакота Џонсон) на која не и паѓа на ум дека некој таков би можел да се загледа токму во неа. Но, господинот Греј има и своја мрачна страна…