Еден од најголемите митови на денешницата поврзан со храната е начинот на нејзино приготвување. Иако за многумина од нас микробрановата е неопходен елемент во нашата кујна без кој не би можеле да го замислиме живеењето, тука се оние кои се противат на нејзината употреба.
Главното обвинение против микробрановата е дека истата ги уништува сите хранливи материи.
Но ако размислите подобро, дали спанаќот би изгубил повеќе хранливи материи со неколку минутно загревање во микробранова или со нашиот начин на традиционално подготвување?
Дополнително, треба да го земеме предвид и фактот дека одредени хранливи материи се разложуваат токму кога се изложуваат на голема топлина.
„При каква било обработка на храната нормално е дека истата ќе изгуби дел од хранливите материи, но сепак треба да имате предвид дека најдобриот начин за зачувување на истите е храната да се готви брзо, да биде изложена на топлина колку што е можно помалку и да се готви со минимална количина течности“ – изјавува Кетрин Адам Хантс, научник кој се занимава со проучување на исхраната.
И витаминот Б и витаминот Ц се подложни на вода и топлина, но истражувањата покажуваат дека во микробранова зеленчукот може да ги задржи овие витамини подобро отколку ако истиот се вари или се готви на пареа.
Научниците истакнуваат еден друг елемент кој е многу важен при користењето на микробрановата. Тоа се садовите во кои ја готвите храната. Водете сметка секогаш да користите садови кои се изработени од материјали кои дозволуваат користење во микробранова, бидејќи во спротивно би можеле да си го загрозите здравјето со елементи кои се штетни.