понеделник, 24 април 2017  |  Вести денес: 59

Данев: Економските политики на ВМРО-ДПМНЕ ја намалија невработеноста на 23,1 процент

Данев истакна дека со намалената невработеност за 14 проценти, од 38 проценти во 2005-та во времето на СДСМ, на 23,1 процент сега, се создадени 170 илјади нови работни места во услови на светска криза

донев

Последни вести

Мерките за намалување на невработеноста на Владата предвоена од ВМРО-ДПМНЕ даваат резултати. Благодарение на економските политики кои ВМРО-ДПМНЕ ги преземаше невработеноста се намали на рекордни 23,1 процент, рече денеска на прес-конференција Драган Данев од ВМРО-ДПМНЕ.

Данев истакна дека со намалената невработеност за 14 проценти, од 38 проценти во 2005-та во времето на СДСМ, на 23,1 процент сега, се создадени 170 илјади нови работни места во услови на светска криза, европска должничка криза и домашно вештачки наметната политичка криза од СДСМ.

СДСМ, посочи Данев, го создаде проблемот со невработеноста, а во свооите мандати не донесоа ниту едно вработување од странска инвестиција бидејќи немаа донесено ниту една странска инвестиција. Напротив, без работа оставија над 200 илјади работници, а секој ден се затвораа фабрики и производствени погони чиј број достигна 684 жртви на транзицијата и криминалната приватизација спроведена од СДСМ, рече Данев.

Позитивните мерки, додаде, даваат резултат и колку и да се обидува СДСМ тоа да го оцрни, фактите го говорат спротивното. Владата предводена од ВМРО-ДПМНЕ работела, работи и во иднина ќе работи со засилено темпо, се со цел уште поголемо намалување на невработеноста во Република Македонија, наведе Данев.

Најчитани вести