Спорт

”Дарко, Дарко, Даркоооо…”

”Дарко, Дарко, Даркоооо…”

Пред точно 23 години, на 29. мај 1991 година, нашиот Дарко Панчев го постигна одлучувачкиот гол од пенал со кој Црвена Звезда го совлада тимот на Олимпик Марсеј и стана европски шампион во фудбал.
По 120 минути игра на стадионот ”Свети Никола” во Бари, резултатот гласеше 0-0, па се прејде на изведување пенали.
По 8. серија резултатот беше 4-3 за Црвена Звезда, па така Панчев со погодокот во 9. серија ја запечати судбината на французите и донесе огромна радост кај фудбалерите, делиите и целата тогашна СФРЈ.
Стрелци за Звезда беа и Роберт Просинечки, Драгиша Биниќ, Миодраг Белодедиќ и Синиша Михајловиќ.
Инаку популарната ”Кобра” таа сезона ја доби и наградата ”Златна копачка”, а 7 месеци подоцна со победата против Коло Коло, тимот на Звезда стана и светски шампион.
Еден од најзаслужните за овие две титули беше и вториот наш интернационалец во редовите на црвено-белите, Илија Најдовски, кој заедно со Миодраг Белодедиќ го сочинуваа еден од најдобрите стоперски тандеми во светот.