Даштевски: Заев и Верушевски мора да одговараат за делата кои ги направија на штета на Македонија

Степенот на делата кои се направени не е ист, нема ниту едно кривично дело против членови на ВМРО-ДПМНЕ додека пак има готови предмети против Верушевски и Заев и тоа за корупција кои немаат врска со политика, има предмет против државата наречен Пуч.

Ова го истакна Александар Даштевски на протестот кој го организираше ГДОМ, против аболицијата на Заев и Верушевски.

Година ипол ние подлежиме на притисоци и имаме политичка криза, која продуцира економска криза и безбедносна криза, додаде Даштевски.

Не смееме да го дозволиме тоа. Тие мора да одговараат за делата спротивни на интересите на Македонија, народот на Македонија. Колку време ни требаше за да сфатиме за што се работи, дека се организирани странски служби а тоа не го кажавме ние, тоа го видовме на телевизија дека отворено го кажа претседателот на СДСМ, Зоран Заев, рече тој.

Покрај тоа што соработувале со странски служби, соработувале и со странски организации, потсети Даштевски.

Соработувале со организацијата Канвас која ги организирала и ги учела како да протестираат, како да ја тепаат македонската полиција. Да ги уништуваат институциите а тоа значи уништување на државата. Ние тоа повеќе не можеме да го толерираме, мора да се спречи тоа, рече Даштевски.

Доколку преземете содржина од оваа страница, во целост сте се согласиле со нејзините Услови за користење.