Македонија

Децата со посебни потреби бесплатно ќе се рекреираат во базенот во Штип

Децата со посебни потреби бесплатно ќе се рекреираат во базенот во Штип

Општина Штип и Градскиот базен им овозможува на децата со посебни потреби во текот на летната сезона бесплатно да ги користат услугите на базенот.

Вања Џамбазова вработена во Општина Штип, ги повикува родителите на децата со посебни потреби да се обратат до Одделението за јавни служби при Општина Штип и да достават решение или наод и мислење за степенот на попреченоста, со цел да добијат бесплатен билет.

– Значи ова е инклузија на децата со посебни потреби, покрај едукацијата во текот на летниот период да се релаксираат и овие летни горештини полесно да ги надминат, вели Џамбазова.

Таа додава дека оваа идеја за бесплатен влез на децата со посебни потреби е дадена од самите родители. Децата со посебни потреби кои ќе го посетуваат Градскиот базен мора да бидат во придружба со родителите