Македонија

Делегација на ПССЕ во предизборна посета на Македонија

Делегација на ПССЕ во предизборна посета на Македонија

Делегација на Парламентарното Собрание на Советот на Европа (ПССЕ), предводена од Стефан Шенах (социјалист од Австрија) денеска и утре ќе престојува во Македонија во предизборна мисија, пренесува дописникот на МИА од Стразбур.

Целта на посетата е да се направи проценка на предизборната кампања и политичката клима за предвремените парламентарни избори закажани за 5 јуни.

Според соопштението од ПССЕ, делегацијата во која покрај Шенах се наоѓаат уште шест други членови: Франк Ј.Јенсен од Норвешка (Народни парти), Еерик-Ниелс Крос (Естонија- Либерали), Том Пакален (Финска), Андреј Хунко (Греманија, Обединета левица). Лис Кристоферсен (Норвешка, социјаситичка група) и Валериу Гилетчи (Молдава, Народни партии) , ќе имаат средби со претседатеот на Собранието и министерот за внатрешни работи на Република Македонија.

Како што се наведува, делегацијата на ПССЕ има предвидено и средби со претставниците на политичките партии кои учествуваат во изборите, претседателот и членовите на ДИК, Јавниот обвинител, како и со членовите на дипломатскиот кор и претставниците на меѓународните организации, граѓанското општество и медиумите.