Балкан

Демонстрации во Романија, се бара оставка од Владата

Демонстрации во Романија, се бара оставка од Владата

Повеќе илјади луѓе се собраа денеска пред зградата на романската влада со барање за подобри услови за живот и повисоки плати, само неколку недели пред претседателските избори во државата, објави МИА.

Меѓу демонстрантите беа и наставници, службеници, вработени во здравството. Тие извикуваа „Крадци, крадци сакаме пристојна работа“ и повикаа владата да поднесе оставка.

Романија е втора најсиромашна членка на ЕУ по Бугарија. Просечната плата во Романија е 481 долар, објави денеска Заводот за статистика.