Македонија

Денешниот марш за поддршка на полицијата е признание и за работата на Јанкулоска и Мијалков

Денешниот марш за поддршка на полицијата е признание и за работата на Јанкулоска и Мијалков

Денешниот настан кога по улиците на Македонија маршираат над 70 илјади луѓе со поддршка за полицијата и полициската акција во Куманово е голем симбол за тоа со кого е народот и дека народот ја поддржува полицијата и тоа што полицијата го прави за заштита на мирот и стабилноста на сите граѓани, пишува „Курир“.

Покрај тоа што маршот е силна порака за поддршка на припадниците на полицијата кои се секогаш спремни за справување со предизвиците не штедејќи се нималку, познавачите велат дека овој настан е и своевидно признание за работата на Гордана Јанкулоска и Сашо Мијалков, кои во изминативе 9 години раководеа со министерството за внатрешни работи и со управата за безбедност и контраразузнавање.

Под нивно водство беа извршени повеќе полициски акции со кои беа отстранети безбедносни ризици и загрозувања за граѓаните, како акциите Планинска Бура и други акции, но и акции за справување со криминалот и корупцијата како што се акцијата за запленување на рекордна пратка од 500 килограми кокаин и акциите, Детонатор, Пајажина, Калдрма, Фаланга, Шпиун, Јустиција, Чекан, Гора и многу други акции.

Јанкулоска и Мијалков го расветлија и случајот Монструм, во кој свирепо беа убиени пет лица.