Свет

Денеска се одбележуваат 69 години од бомбардирањето на Хирошима

Денеска се одбележуваат 69 години од бомбардирањето на Хирошима

Денеска се одбележува 69. годишнината од бомбардирањето на Хирошима, на која САД на 6 август 1945 година фрли атомска бомба. Градот беше разрушен, а 13 квадратни километри претворени во пустош. Загинаа 117 илјади луѓе, а последиците од атомската бомба ги почувствувале 217.173 луѓе.

Три дена по атомскиот напад на Хирошима, бомбардиран е Нагасаки. Последиците од атомските напади биле катастрофални.

Атомската бомба со силина од 13 килотони е исфрлена од бомбардерот на висина од 9.400 метри. Таа експлодирала над градот, на висина од 600 метри, со што бил предизвикан топлотен бран со температура од 4 илјади целзиусови степени во пречник од 4,5 километри.

На самиот ден на бомбардирањето во Хирошима, кој тогаш имал околу 300 илјади жители, загинале 70 илјади, а од вжештениот воздух уништетни се 70 илјади од вкупно 90 илјади згради.