Магазин

Десет македонски сликари учествуваат на Дојранската ликовна колонија

Десет македонски сликари учествуваат на Дојранската ликовна колонија

Десет сликари од неколку градови од Македонија неколку дена работат под јаворите во Дојран и создаваат дела во рамки на третата Дојранска ликовна колонија, која е дел од  манифестацијата „Дојран – град на културата“.

Уметниците ги доловуваат убавините на Дојран и Дојранското Езеро создавајќи слики во скоро сите ликовни техники.

– Работата на колонијата ќе заврши утре. Се слика надвор, под јаворите, за да биде атрактивно за посетителите и да видат дека и тука нешто се случува на ликовен план, изјави Ѓорги Божинов-Фаника од организацискиот одбор на Колонијата.

Делата кои ќе бидат создадени за време на колонијата ќе бидат претставени пред јавноста на изложба на 5 ноември, кога се одбележува ослободувањето на Дојран.