Десет здрави оброци кои се прават за 10 минути

Обично кога се враќаме дома бараме нешто брзо за подготовка, па така запаѓаме во замката на нездравите производи и рецепти.

За среќа, постојат барем 10-тина здрави рецепти кои се готови за 10 минути.

Пробајте барем еден уште денес:

Салата од јаболка, калинка и бадеми

  • 6 шолји зелена салата
  • 1 шолја бадеми
  • 2 јаболка
  • ½ шолја фета сирење
  • ¾ шолја семки од калинка

Исечете ги јаболката на коцки, помешајте ги со зелената салата, бадемите, фета сирењето исто така исечено на коцки и семките од калинка. На крајот пропрскајте со лимонов сок или оцет, а по желба може да ставите и малку мак. Промешајте и на здравје!

10-zdravi-obroci-koi-se-pravat-za-10-minuti-2.jpg

Сендвич од наут, авокадо и брусници

  • 420g конзервиран или варен наут
  • 1 големо зрело авокадо
  • 2 лажици сок од лимон
  • ½ шолја суви брусници
  • 6 парчиња леб
  • Малку свежа рукола
  • Сол и бибер

Изгмечете го конзервираниот или варен наут, па потоа додајте го авокадото и мешајте додека не добиете густа паста. Додајте ги брусниците, сокот од лимон, сол и бибер по вкус и добро измешајте. Потпечете го лебот и намачкајте со смесата. Наредете неколку ливчиња рукола и покријте со второ парче леб.

10-zdravi-obroci-koi-se-pravat-za-10-minuti-3.jpg

Омлет во домати

  • 4 големи домати
  • 3 јајца
  • 100g сирење
  • 2 лажици магдонос или копар
  • Сол и бибер

Измијте ги доматите и исечете ги дршките. Внимателно извадете ја средината со лажица. Изрендајте го сирењето и изматете го заедно со јајцата. Потоа додадете го сечканиот зеленчук и зачинете. Смесата од јајцата ставете ја во доматите и покријте со нивната внатрешност која претходно ја извадивте. Ставете ги да се потпечат на висока температура околу 5 минути.

10-zdravi-obroci-koi-se-pravat-za-10-minuti-4.jpg

Каша со банани и ореви

  • 1 банана
  • 30g бадеми
  • 20g ленено семе
  • 10g ореви
  • 1 јајце
  • 1 белка
  • 50ml млеко
  • Цимет по вкус

Со виљушка гмечете ја бананата додека не добиете пире. Оревите сомелете ги бадемите и ленените семки, а оревите исечкајте ги на ситни парчиња. Ставете ги бананите, јаткастите плодови и семките во тава, потоа додајте го јајцето и белката, па прелијте со млеко. Добро мешајте. Варете ја смесата на средна температура 5-7 минути. Украсете со цимет и цели ореви.

10-zdravi-obroci-koi-se-pravat-za-10-minuti-5.jpg

Сладок тост со мед и лешници

  • 3 лажици лешници
  • 1 лажичка маслиново масло
  • 2 парчиња интегрален леб
  • 3 лажици павлака
  • 2 лажици мед

Исечкајте ги лешниците и прелијте го со маслиновото масло. Оставете го да отстои. Павлаката премачкајте ја врз парчињата леб, а потоа додајте ги лешниците, па прелијте со мед.

Лосос со сенф и јаворов сируп

  • 2 филети лосос
  • 1 лажица сенф
  • 1 лажица јаворов сируп
  • 1 лажица маслиново масло
  • Сол и бибер

Извадете го лососот 30 минути пред да го печете на собна температура. Загрејте ја рерната на 200 степени. Во тава ставете ги филетите и пропрскајте со малку масло. Изматете го сенфот, маслиновото масло и јаворовиот сируп, па прелијте ги филетите. Печете 10 минути и уживајте.

10-zdravi-obroci-koi-se-pravat-za-10-minuti-7.jpg

Супа од авокадо

  • 2 зрели авокада
  • 400ml кокосово млеко
  • 2 чешниња лук
  • Сол и бибер за вкус

Ставете го плодот од авокадото и сечканиот лук во еден сад, а потоа додајте го кокосовото млеко, солта и биберот. Мешајте додека смесата не стане без грутки. Варете неколку минути додека смесата не стане малку погуста. Украсете со ситно сечкани индиски ореви, коријандер и сок од лимон.

10-zdravi-obroci-koi-se-pravat-za-10-minuti-8.jpg

Интегрална паста со грашок, босилек и пармезан

  • 150-200g интегрална паста
  • 1 лажица масло од сусам
  • ¾ шолји свеж зелен грашок
  • 1 лажица соја сос
  • Свеж босилек
  • ½ шолја ситно рендан пармезан
  • Црвен пипер
  • Сок од лимон

Сварете ги тестенините, но водата сочувајте ја. Тестенините пропрскајте ги со масло од сусам. Грашокот варете го 1 минута во водата од тестенините, а потоа исцедете го и ставете го во сад со мраз. Кога грашокот ќе се олади, добро исушете го и ставете го заедно со тестенините. Додајте го соја сосот, босилекот, црвениот пипер, сокот од лимон, посолете, а на крај додајте го изренданиот пармезан.

10-zdravi-obroci-koi-se-pravat-za-10-minuti-9.jpg

Салата од морков, јаболко и суво грозје

  • 2-3 големи моркови
  • 1 големо јаболко
  • 1 лажица сок од лимон или лимета
  • 2 лажици мед
  • 2 лажици павлака или домашен мајонез
  • ¼ шолја суво грозје
  • ¼ шолја суви брусници
  • ½ шолја семки од калинка

Изрендајте ги морковите, а јаболкото исечкајте го на коцки. Ставете ги во длабок сад, прелијте со сол од лимон и добро измешајте. Додајте ги останатите состојки и украсете ја салатата со семки од калинка.

10-zdravi-obroci-koi-se-pravat-za-10-minuti-10.jpg

Киви со бисквити и павлака

  • 400g павлака
  • 8 кивија
  • 8 коцки плазма или бисквити
  • 4 лажици кафеав шеќер

Кивијата излупете ги и исечете ги на коцки. Помешајте ја павлаката со шеќерот. Во стаклени садови редете ред киви, ред павлака, а на крај украсете со кршени или мелени бисквити. Готово!

Доколку преземете содржина од оваа страница, во целост сте се согласиле со нејзините Услови за користење.