На Менхетен се урна станбена зграда при што најмалку десет луѓе се повредени. Причина за несреќата била експлозија на гас што предизвикала пожар и уривање на првите неколку спратови.
Њујорк пост наведува дека повредени се најмалку 30 луѓе додека пожарникарската служба тврди дека цифрата е 12. Тројца од повредените се во критична состојба.
Експлозијата предизвикала делумно уривање на зградата и потоа голем пожар во зградата на Ист вилиџ. Пожарот зафатил две згради и во негово гаснење биле ангажирани 120 пожарникари. На местото на несреќата биле вкупно 250 пожарникари бидејќи постоела опасност од уривање на уште еден објект, јавуваат американски медиуми.