Девојка од Данска обвинета дека подготвувала терористички напади врз училишта

Данската полиција соопшти дека е покренато обвинение против една 16-годишна девојка за планирање на терористички напад врз две училишта, од кои едното еврејско.

Во полициското соопштение се наведува дека нејзиниот 24-годишен пријател, за кого локалните медиуми наведуваат дека се борел во Сирија, обвинет е за соучество во правење на бомби.

Девојката неодамна преминала во муслиманска вера.

Таа е уапсена на 13 јануари поради купување на хемиски супстанции за правење на бомби, а нејзиниот пријател следниот ден. Тој е осомничен и поради што на девојката и доставил прирачник за изработка на бомби.

Двајцата пред судот се изјаснија дека не се виновни, а нивните имиња не се објавени, во согласност со данските закони.

Доколку преземете содржина од оваа страница, во целост сте се согласиле со нејзините Услови за користење.