Македонија

ДИК го заклучи Избирачкиот список, право на глас имаат 1.784.416 граѓани

ДИК го заклучи Избирачкиот список, право на глас имаат 1.784.416 граѓани
Во Избирачкиот список за предвремените парламентарни избори на 11 декември запишани за гласање се 1.784.416 полнолетни државјани на Република Македонија. Државната изборна комисија (ДИК) на денешната седница го заклучи Избирачкиот список за претстојните избори и го одреди изгледот на избирачкото ливче.

На изборите на 11 декември ќе гласаат и 13 внатрешно раселени лица, 2.015 лица кои се во притвор или во затвор. Во просториите на ДИК, пред изборите, ќе гласаат и 320 лица кои се членови на Избирачките одбори во дијаспората. 

Избирачкото ливче ќе ги содржи имињата на сите 11 коалиции и партии што имаат кандидати на изборите. Во онаа изборна единица каде поголем број од жителите се припадници на некоја од заедниците избирачкото ливче ќе биде на македонски јазик и на нивниот мајчин јазик.