Претседателот на Владата на Република Македонија, Емил Димитриев во своето обраќање пред пратениците во Собранието кои денеска треба да го констатираат досегашниот прв човек на УЈП, Кирил Миновски за нов министер за финансии, рече дека Владата и покрај контекстот на политичката ситуација останува максимално посветена во работата поради огромната поддршка од граѓаните.
Личност која со својата компетентност, едуцираност и богато искуство во областа на финансиите, инвестициите, менаџментот и човечки ресурси, сметам дека располага со соодветен капацитет да ја извршува оваа исклучително значајна и одговорна функција. Тој во текот на своето 17 годишно професионално искуство има работено на голем број различни позиции, како во приватниот така и во јавниот сектор. Во текот на својата професионална кариера во многу наврати бил директно вклучен во реализација на поголем број проекти од областа на фиансиите, платниот и банкарскиот систем, подобрување на конкурентноста на малите и средни компании. Исто така бил ангажиран и од Светска банка што дава квалитет на неговото портфолио. Миновски извршуваше и две исклучително значајни позиции во Државниот пазарен инспекторат и потоа во УЈП. Во овие две институции покажа одлични резултати и позитивно влијаел на проекти за подобра и поефикасна функционалност на овие две институции, рече Димитриев.
Димитриев потенцираше и дека согласно богатото работното искуство и квалитетите на Миновски, тој може да одговори на обврските и одговорностите кои произлегуваат од раководењето со Министерството за финансии.
Миновски во текот на неговото работење презентираше целосна отвореност на институциите кон компаниите и граѓаните, како во насока на подобро информирање за работата на институциите, така и во насока за решавање на проблемите и унапредување на работата, потенцираше Димитриев.
