понеделник, 29 мај 2017  |  Вести денес: 0

Димитриев упати телеграма со сочувство до Валс

По повод терористичкиот напад во Ница, претседателот на Владата на Република Македонија Емил Димитриев, испрати сочувство до премиерот на Република Франција, Мануел Валс.

dimitriev

Поврзани вести

По повод терористичкиот напад во Ница, претседателот на Владата на Република Македонија Емил Димитриев, испрати сочувство до премиерот на Република Франција, Мануел Валс.

Интегрален текст од телеграмата:

Со згрозеност ги примив вестите за терористичкиот напад во Ница, во кој на особено суров начин животите ги загубија голем број на лица и каде има голем број на повредени. Во овие тешки мигови на тага, дозволете ми да изразам сочувство до Вас и до семејствата на жртвите на овој брутален напад, а на повредените да им посакам брзо закрепнување.

Жалам што Република Франција и францускиот народ повторно се жртва на монструозен терористички акт и што повторно плаќаат висока цена во борбата против тероризмот, кој се профилира како најголемата закана за целото човештво во дваесет и првиот век. Извршувањето на терористичкиот напад на Денот на Бастиља е обид за сквернавење на духот на Француската Република и на вредностите на кои се темели истата. Овие вредности се основ на државното и општествено уредување на бројни земји во светот и оттука е неопходно сите да покажеме солидарност со францускиот народ. Република Македонија како и до сега, ја дава целата своја поддршка во борбата против тероризмот и во целост застанува зад Француската Република во напорите да му се застане на патот на ова зло.

Посакувам францускиот народ брзо да ги залечи раните од овој напад и да излезе уште пообединет и поединствен во надминување на безбедносните предизвици. Изградбата на подобар, поправеден и побезбеден свет е невозможна без француската поддршка и затоа е неопходно истата да продолжи со несмален интензитет.

Во овие мигови на национална тага, уште еднаш примете ги изразите на моето искрено сочувство.

Најчитани вести