Драматургот Братислав Димитров на денешната трибина на Граѓанското движење на одбрана на Македонија која се одржа во Крива Паланка истака дека крајно време е до опозицијата да се упатат три вистини дека ги изгуби изборите, дека не живееме во еднопартиски систем и дека вербалниот деликт е одамна систимски укинат.
Наспроти тоа, рече тој, за првпат во историјата во театрите се зголемени платите и светски рекорд се двата отворени театри за две години.
– Упатуваме порака до светот дека ние сме питом народ. Древна цивлизација и народ кои домаќински гледа на настаните. Наша основна идеја е да се активира свеста дека нашите предци умееле да се изборат за себе и дека народот е силата која дава ветер во едрата на власта, а таква власт ја води нашата држава и истата е избрана на најдемократски начин, рече Димитров.
Тој повика борбата да се води на институционален план.
– Се ќе помине, ќе издржиме. Македонскиот народ е истраен и таков ќе биде како многупати во историјата. Треба да бидеме жестоки, но принципиелни и чисти во срцата, рече Димтиров.
Доколку преземете содржина од оваа страница, во целост сте се согласиле со нејзините Услови за користење.