Министерот за надворешни работи Никола Димитров денеска зборувајќи на Комитетот за надворешни работи во Европскиот парламент рече дека Македонија предолго време искусувала ветер во лице. Тој побара од европратениците да и даделе на земјава, како што рече ветер во грб, а Македонија ќе возвратела со мирни води и плодна жетва.
Тој пред членовите на комисијата реферираше за спроведувањето на клучните реформи во земјата, како и посветеност на, како што рече, градење мостови на добрососедство, регионална и меѓународна соработка, со цел овозможување видлива и достижна европска перспектива
„Градењето модерна европска демократија е, пред сè, во интерес на нашите граѓани, во интересна земјите од регионот и од интерес на ЕУ. Стабилна, економски просперитетна и успешна Република Македонија подразбира стабилен и просперитетен регион” рече Димитров.
Димитров оствари серија средби со повеќе европратеници од кои побара поддршка Македонија да направи суштински исчекор во процесот на европските интеграции во текот на 2018 година.
