Македонија

по средбата на шефот на дипломатијата со шефот на државата Димитров за решавање на спорот со името бара одговорност од сите политички фактори

Димитров за решавање на спорот со името бара одговорност од сите политички фактори

Министерот за надворешни работи Никола Димитров по средбата во четвртокот со претседателот Ѓорге Иванов порача дека за решавање на спорот за името со Грција е потребно лидерство и највисока одговорност на сите политички фактори.

Претседателот Иванов претходно го прими Димитров, а на средбата, како што соопшти Министерството за надвпрешни работи, станало збор за последните случувања околу преговорите меѓу Македонија и Грција околу името.

„За ова исклучително значајно прашање за разликата околу името, прашање што нѐ влече надолу и ни ја попречува иднината повеќе години, потребно е лидерство и највисока одговорност од сите политички фактори. Доколку најдеме начин да го затвориме овој проблем со зачувување на идентитетот и достоинството, сите заедно, ќе бидеме на правата страна на историјата“, нагласил Димитров по середбата.

Димитров го информирал Иванов за содржината на последните разговори со шефот на грчката дипломатија Никос Коѕијас.

Претходно со соопштение од средбата излезе и Кабинетот на шефот на државата. На средбата, како што соопшти кабинетот на Иванов, Димитров усно го информирал за последните случувања поврзани со разговорите за прашањето за разликата околу името, без притоа да приложи каков и да е писмен документ.

„Целиот процес наликува на личен договор меѓу премиерот Заев и премиерот Ципрас, за што нема обезбедено национален консензус во Република Македонија. Мојот став е дека не прифаќам решение за прашањето за името за севкупна употреба или ерга омнес“, изјавил македонскиот претседател на средбата.

Иванов потенцирал дека склучување меѓународен договор треба да биде во согласност со Уставот на Република Македонија, а не да предвидува негова измена.