Димовски: СДСМ го прифати фактот дека се губитничка партија

Социјалдемократскиот сојуз, денеска прв пат после изборите го прифати фактот дека се губитничка партија на изборите и дека се втора партија во ова Собрание. Оттука претседателското место во Комисијата кое што го доби ВМРО-ДПМНЕ и шесте членови во Комисијата не се добар гест од страна на СДСМ, туку се правила и пракса која што во Собранието функционира 25 години,  рече Илија Димовски од ВМРО-ДПМНЕ, откако беше договорено тој да ја води комисијата.

Доколку СДСМ, продолжи да го слуша гласот на граѓаните кои што се секојдневно на улиците и доколку СДСМ продолжи со ваквите постапки да прифаќа дека се губитничка партија на изборите, Собранието на Република Македонија ќе продолжи нормално да функционира, додаде Димовски.

Како што посочи, доколку СДСМ се обидуваат со пост изборна измама да наметнуваат нови правила и нови пракси во Собранието на Република Македонија, тогаш сите можности остануваат отворени.

Доколку преземете содржина од оваа страница, во целост сте се согласиле со нејзините Услови за користење.