Во текот на минатата недела по спроведена дисциплинска постапка, донесени се 34 решенија против 34 вработени во Министерството поради сторени повреди во работењето. Притоа, на 30 вработени изречена им е мерка „парична казна“, на двајца вработени мерка – „запирање на постапката“ на еден вработен мерка „писмено предупредување” и на еден вработен мерка „отказ“.
На девет припадници на МВР изречена им е мерка „парична казна“, затоа што не го одржувале чисто и подмачкано формациското оружје.
На еден полицаец во ПСОН-Центар, СВР-Скопје изречена му е мерка „парична казна“, затоа што не одговорил судски акти за достапност на лица, и не известил дека истите биле уништени при перење.
На командир во ПО Теарце, СВР Тетово изречена му е мерка „парична казна“, затоа што не присуствувал на обука.
На двајца инспектори за криминалистичко-технички увид на место на настан во Отсек за увид на место на настан, СВР Скопје изречена им е мерка „парична казна“, затоа што не го консултирале јавниот обвинител за добивање насоки за понатамошно постапување.
На полицаец во ПСОН-Гостивар, СВР-Тетово изречена му е мерка „парична казна“, бил затекнат како спие на работното место.
На двајца полицајци во ПС за БПС Петровец изречена им е мерка „парична казна“ , затоа што не отишле на гаѓање, а присуството било задолжително.
На двајца полицајци во ПСОН- Драчево, СВР-Скопје изречена им е мерка „парична казна“, затоа што не го одржувале чисто службеното оружје.
На виш инспектор во Канцеларија за криминалистички работи Чаир, СВР Скопје изречена му е мерка „парична казна“, затоа што за настан не ги известил надлежните.
На двајца полицајци во ПС ОН Ѓорче Петров, СВР Скопје изречена им е мерка „парична казна“, затоа што без одобрение, со службено возило го напуштиле подрачјето.
На двајца полицајци во Единица за ЈРМ и интервенции, СВР Скопје изречена им е мерка „парична казна“, затоа што го оставиле формациското оружје необезбедено во службеното возило.
На дежурен полицаец во ПО Велешта, СВР Охрид изречена му е мерка „парична казна“, затоа што го напуштил работното место, без да извести некого за тоа.
На полицаец во ПООСО, во Оддел за обезбедување изречена му е мерка „парична казна“ затоа што уништил платен налог при перење на службената кошула.
На полицаец во ПСОН-Драчево, СВР-Скопје изречена му е мерка „парична казна“, затоа што извршувал работни задачи со приватно возило и вршел служба со оружје кое не го раздолжил од ПС, од каде бил прераспореден.
На полицаец во ПС за БПС-Струга, СВР-Охрид изречена му е мерка „парична казна“, затоа што го нарушил јавниот ред и мир, со омаловажување на полициски службеници при преземање на службени дејствија.
На полицаец во ПС ОН-Кисела Вода, во СВР-Скопје изречена му е мерка „парична казна“, затоа што дрско и недолично се однесувал пред колегите, упатувајќи недолични зборови.
На полицаец во ПСОН-Прилеп, СВР-Битола изречена му е мерка „парична казна“, затоа што за време додека не бил на работа ја носел службената униформа, бил во УО, омаловажувал колега и избегнал алкотестирање.
На водич на безбедносен реон во ПСОН-Центар, СВР-Скопје изречена му е мерка „запирање на постапката“ , поради неутврдена одговорност.
На помошник началник на Одделение за извештаи за сообарќајни незгоди, СВР Скопје изречена му е мерка „запирање на постапката“ , било утврдено дека нема повреда.
На полицаец во ПС за ГП Табановце, РЦ за ГР-Север изречена му е мерка „запирање на постапката“ (неутврдена одговорност);
На полицаец за БПС во ПО за БПС Струга, СВР Охрид изречена му е мерка „отказ“(за да не изврши службено дејствие, побарал и примил 2000 денари)
П.Б. виш инспектор во Одделение за извештаи за сообарќајни незгоди, Единица за БПС, СВР Скопје изречена му е мерка „писмено предупредување“(несовесно и ненавремено ги извршувал поставените задачи).