понеделник, 27 март 2017  |  Вести денес: 41

Дневен хороскоп

astro-horoskop-3

Последни вести

Овен

Не мора секој ден да ви е исполнет со напорна работа за да бидете успешни. Денес користете го умот пред рацете, делегирајте задачи наместо да се трудите сè да направите сами и ќе забележите огромно намалување на стресот.

Вие сте личност која е родена да биде лидер. Започнете така и да се однесувате.

Бик

Денес потребно е само да ги затворите очите за да ги „видите“ патиштата за најбрза реализација на целите. Ова е ден кога умот ќе ви работи со брзина на светлината, па ако некој умее да смисли генијални решенија за проблемите, тоа ќе бидете вие.

Некои бикови ќе запознаат личност која на невообичаен начин ќе ги охрабрува да целат повисоко. Благодарение на неа ќе направат чекори кои никогаш не мислеле дека ќе ги направат.

Близнаци

Денес ќе пливате спротивно од текот на реката и ќе им се спротивставувате на обичните и монотони нешта. Ќе дозволите ексцентричноста да ве води и на ваше големо изненадување, таа ќе ве одведе во мислите на многу лица.

Пренесете ја уникатноста и во вашиот плакар. Не мора да имате милион алишта, потребни ви се само оние кои ќе ве издвојат од толпата.

Рак

Обојте го вашиот дом во многу различни бои. Денес шареноликоста, невообичаените детали, позитивните пораки… ќе ви го будат оптимизмот. Вашето расположение зависи само од вас, па земете ги нештата во свои раце.

Не се изненадувајте ако случајна средба со пријател од минатото ви разлета пеперутки низ стомакот.

Лав

Не давајте ветувања кои не можете да ги исполните. Денес можно е да повредите личност која многу ви верува доколку сте несериозни. Не кажувајте „да“ само колку да кажете „да“, треба и да го реализирате ветеното.

Партнерот ќе ви помогне во клучен момент од вашиот живот и ќе го направи тоа со чиста како солза намера. Покажете му дека сте благодарни.

Девица

Притиснете на кочницата и забавете го темпото со кое го возите животот. Денес голема е веројатноста да направите сериозна грешка доколку носите избрзани одлуки.

Ова е одличен ден за да го подобрите вашиот имиџ кај околината, потребно е само да научите да разговарате смирено и трпеливо.

Вага

Денес ветрот на промените ќе дувне кон вас, менувајќи го вашиот живот на позитивен начин. Свртете го вашето внимание кон семејството затоа што токму тоа најмногу ќе ве усреќува. Расчистете ги прашањата кои сте ги одложувале.

Посветете им специјално внимание на повозрасните лица, зашто што тие ќе имаат потреба од вашите зборови.

Шкорпија

Денес ќе добиете вест поврзана со вашата финансиска состојба, но таа ќе биде далеку подобра од она на што сте се надевале. Можно е да добиете огромен бонус за вашата извонредна работа или трајно зголемување на платата.

Некои шкорпии ќе започнат да учат нов странски јазик или да посетуваат курс за проширување на знаењето во други области.

Стрелец

Не реагирајте додека не ги имате сите факти на располагање. Слушајте ги туѓите совети, трагајте по информации и покажете дека сте личност на факти, а не на интуиција.

Некој ќе ви признае дека долго време крие романтични чувства кон вас, а тоа ќе ви измами слатка насмевка. Не признавајте веднаш дека и вие го чувствувате истото.

Јарец

Средината на работната седмица е тука, но вашата енергија наместо да се намалува, ќе биде поголема од секогаш. Никој нема да може да ве запре кога ќе наумите да исполните одредена задача, па ќе станете идол за многумина.

Не се лутете ако луѓето го имитираат вашето однесување. Тоа не е нешто лошо, напротив.

Водолија

Маглата од пред вашите очи ќе се растргне денес, а вие ќе гледате јасно. Лесно ќе ги препознавате лажните зборови, нечесните намери и неискрените ласкања, па никој нема да може да манипулира со вас.

Време е за долг разговор со личноста која ви се допаѓа. Доколку таа не била искрена со вас, маските ќе паднат пред вас.

Риби

Уверете се дека вашите планови за денот се совпаѓаат со вашите, а не со туѓите желби. Денес потребно е да се качете на пиедестал и еднаш во животот да кажете „Јас сум најважна“, затоа што имате право на тоа.

Вртењето на погледот кон нештата кои вие ги сакате ќе ви даде пооптимистички поглед, па ќе ви се чини дека можете да направите сè.

Најчитани вести