До крајот на летото асфалт за уште девет улици во Штип

До крајот на летото асфалт за уште девет улици во Штип

Општина Штип продолжува со несмален интензитет во инфраструктурно-патно обновување на градот.

Во општината во тек се тендерски постапки за обнова, реконструкција и асфалтирање на уште девет сообраќајници. Според програмата, до крајот на летото асфалт ќе добијат улиците: „Каваклија“, крак од „Радански пат“ кој води од „Черења“ до училиштето „Гоце Делчев“, потоа „Тодор Коларов“, „Широк Дол“, завршува тендерот и за асфалтирање на улица „Лески“ во населбата Баби, асфалтирање на улиците во „Чардаклија“ и во „Долна Железничка“, улица „Пиринска“ до месноста Дујле, пренесува Старпус на ТВ Стар:

– Иако е сезона на годишни одмори, локалната самоуправа и градоначалникот работат брзо и ефикасно без намалување на работниот интензитет. Планирано е асфалтирање и на пристапот до Штип од регионалниот пат од Радовиш до бањата Кежовица. Со асфалтирањето, овој влез во Штип ќе се поврзи со ново-асфалтираната обиколница околу Ново Село која беше направена во 2013 година. Исто така планирано е да се уреди и пристапот во Штип од влезот од Скопје односно Велес, до кружниот тек во Железничка, вклучително и конструкција на тротоари со што ќе биде побезбедно за студентите кои се движат до кампусот на УГД – изјави Драган Ристов, советник за односи со јавност.

Инаку до сега се асфалтирани 11 улици и тоа: „Маршал Тито“, крак од „Христијан Карпош“, „Славчо Стојменски“, крак од Вита Поп-Јорданова“ со дел од „Мирче Ацев“, „карл Маркс“, „Сремски фронт“, „Џемал Бједиќ“, крак од „Радански пат“ зад Черења, „Слободан Јовановски“, крак од „Сутјеска“ и „Булевар ЈНА“. За асфалтирање на овие 11 улици до сега се инвестирани над 20 милиона денари.

Доколку преземете содржина од оваа страница, во целост сте се согласиле со нејзините Услови за користење.