Добри временски услови за посевите

посевите

Променливото време во текот на изминатата недела одржуваше добри услови за презимување на земјоделските култури. Иако земјоделците стравуваа од наглото топењето на снегот и поплави, до тоа не дојде. Се зголеми само процентот на влагата во почвата и на водостојот на реките и акумулациите, што ќе бидат добредојдено во претстојниот период.

Умереното топење на снегот во рамничарските делови не предизвика поплави кај есенските култури кои се во добра фаза на развојот и кои со подобрување на времето ги чека прво прихранување со азотни ѓубрива.

Кај овошките и виновата лоза во реоните каде имаше оштетување од мразевите ќе треба да се почека почвата да се исуши да се влезе во нивите и да се изврши кроењето.

Во наредниот период стабилното време со очекуваните дневни температури до 10 степени ќе придонесат за нормално презимување, а утринските од минус 11 до минус 4, нема да ја разбудат вегетацијата.

Доколку преземете содржина од оваа страница, во целост сте се согласиле со нејзините Услови за користење.