Договорот со Бугарија се разгледува на затворена седница

186

Членовите на собраниската Комисија за надворешна политика денеска во 10 часот, на затворена седница за јавноста, ќе го разгледуваат нацрт-договорот за добрососедство со  Бугарија. Се очекува пред собраниската комисија договорот да го презентира и брани премиерот Зоран Заев.

По премиерската средба на 20-ти јуни во Софија, Зоран Заев и Бојко Брисов најавија потпишување на Договорот за добрососедтсво на 2 август во Македонија, како и заедничка прослава на Илинден. Од тогаш до денес, опозициската ВМРО-ДПМНЕ ги поставува истите прашања: што содржи Договорот, дали е симетричен или асиметричен и кога ќе биде презентиран пред македонската јавност? Ваквите прашања се интензивираа откако министрите за надворешни работи од двете земји, Никола Димитров и Екатерина Захариева, минатата недела го усогласија текстот за нацрт-договорот.

Засега не се откриваат деталите од постигнатиот договор, па ова денеска во Собранието ќе биде прво отворање на деталите од постигнатиот договор.

Доколку преземете содржина од оваа страница, во целост сте се согласиле со нејзините Услови за користење.