Магазин

Документарец кој ја открива мрачната страна од животот на Нина Симоне

Документарец кој ја открива мрачната страна од животот на Нина Симоне
Документарец кој ја открива мрачната страна од животот на Нина Симоне

Документарниот филм за животот на соул дивата Нина Симоне, под наслов „What Happened, Miss Simone?“ чија премиера беше на Филмскиот фестивал „Санденс“ на почетокот на оваа година, досега е прикажан само во неколку одбрани кина.

Режисерот Лиз Гарбус на документарниот филм работеше десет години, а сега кога делото конечно го виде светлото на денот, предизвика многу бурни реакции поради детали кои ја откриваат и мрачната страна од животот на соул дивата.

Во филмот, на архивски и никогаш необјавени снимки, се појавува и самата легендарна пејачка, која почина во 2003 година на возраст од 70 години, а за неа зборуваат нејзини пријатели, соработници, па и членови на семејството, вклучувајќи ја и нејзината ќерка, Лиза Симоне Кели, која воедно е извршен продуцент на филмот.

– Филмот носи се она што би требало да биде речено и прикажано за животот на мојата мајка, на начинот на која и таа самата сакаше и онака како што сакаа да ја паметат. Мило ми е што светот конечно може да ја види вистинската страна, рече Лиза Симон во интервју за „Хуфингтон Пост“.