Македонија,Економија

Домаќинствата повторно ќе добијат евтина струја преку ден

Од јануари следната година, кога стартува третата и последна фаза од либерализацијата на пазарот на електрична енергија, граѓаните ќе добијат можност повторно да имаат дневна евтина тарифа за струја, пишува „Дневник“.

Од следната година либерализацијата започнува да важи и за граѓаните, кои ќе добијат можност самите да изберат од која фирма ќе се снабдуваат со електрична енергија. Во трка за потрошувачи, фирмите се подготвени да понудат поволни услови, а еден од нив е и враќање на дневната евтина тарифа, вели за весникот Кочо Анѓушев сопственик на „Енерџи деливери солушнс“ (ЕДС), една од фирмите која ќе снабдува на пазарот.